Kawawang Matanda Na Nagtitinda Ng Saging Binayaran Ng Pekeng Pera


Nagkalat na ang mga modus ngayon. At hindi na bago ang mga peke or fake na pera. Taun-taon ay naglalabasan ang mga pekeng pera at mayroon pa rin ang mga nasa ating sirkulasyon.

Para sa mga taong hindi naman alam i-detect kung alin ang geniune o fake na pera ay hindi nila ito kaagad agad mapapansin. Dahil ang pagkakaalam nila ay totoong pera ito. Marami na ang nalinlang sa mga fake na pera, at ang masaklap pa ay kung malaki ang halaga nito.

Ibinahagi ng Facebook user na si An Ge Lie ang larawan ng isang nakakaawang matandang lalaki na nagbebenta ng saging at nakatanggap ng pekeng isang libong piso bilang pambayad sa biniling saging sa kanya. 

Ayon sa netizen, siya ay namamalengke noong umagang iyon nang makita niya ang isang matanda na nagtitinda ng saging. Napag-alaman niya na ang perang ibinayad sa matanda ay fake o peke. Nasa halagang Php100 lamang ang binili ng suspect sa kanya kaya naman sinuklian pa niya ito ng Php900. At laking gulat ng lolo na iniwan ang saging na binili ng suspect at saka nagmadali itong umalis pagkakuha ng sukli. 

Ayon sa mga report, naganap ang insidente sa Reynadelle Store sa The New Market Place sa Minglanilla, Cebu. 

Maraming netizens naman ang nagalit sa ginawang panloloko ng suspect lalo na pa't isang matandang naghahanap-buhay ng marangal ang kanyang niloko. Marami ang naawa sa lolo dahil sa edad niya ay kumakayod pa rin siya at nagawa pa siyang salisihan.

Dahil sa post na ito na ibinahagi ng netizen ay agad itong nag-viral at marami naman ang nais maghatid ng tulong sa matanda. 

Ang tanging paalala lamang sa publiko ay mag-ingat sa mga pekeng pera. Siyasating mabuti ang mga ibinabayad, sinusukli at natatanggap na pera. Dahil minsan sa unang tingin ay akala mo ay totoo ngunit kung sisiyasating mabuti ay peke pala ito. At kung nakatanggap ng pekeng pera ay marapat na isurrender ito sa malapit na bangko o sa Bangko Central ng Pilipinas upang hindi na ito muling kumalat sa sirkulasyon. 

Comments

Popular posts from this blog

Ukay-ukay Seller, May Nakakapangilabot Na Karanasan Sa Kanyang Binebentang Pulang Polo Shirt

Magsasaka Na Nakatanggap Ng Money Bouquet, Ginamit Ang Pera Pambili Ng Traktora

Magkapatid, Iniwan at Di Na Binalikan Ng Kanilang Ina Na Ang Sabi Ay Bibili Lang Ng Payong

Nagdulot Ng Katatawanan Ang Nakain Ng Isang Netizen Na "Mantikang Baboy Ice Cream"

Ginawa Ng Estudyanteng Ito Ang Improvised Ballpen Na Gawa Sa Kahoy Dahil Pursigido Siyang Makapag-aral Kahit Wala Siyang Gamit