Maraming Netizens Ang Na-Touched Sa Viral Photo Ng Isang Matandang Nakatulog Sa Bangketa Habang Nagtitinda Ng Saging


Kung noong bata pa tayo ay inalagaan tayo ng ating mga magulang, sana sa kanilang pag-tanda ay ang mga anak naman ang mag-alaga sa kanila. Ang mga matatanda ay dapat na lamang nagpapahinga sa bahay dahil humihina na ang kanilang mga katawan.

Ngunit dahil sa hirap ng buhay, minsan ang mga lolo at lola ay kumakayod pa rin para maitaguyod ang kanilang pangangailangan. At ang masaklap pa, minsan ay hindi lamang para sa kanila ang kanilang kinikita kundi sila ay tumutulong pa rin upang mabuhay ang kanilang pamilya. 

Naging viral sa social media ang isang larawan na ibinahagi ng netizen na si Jeff Garcia. Makikita sa photo ang isang matandang lalaki na nakahiga at nakatulog sa bangketa habang nagtitinda ng mga saging. 

Sa isang simpleng larawan, mararamdaman na kung gaano kapagod ang matandang lalaki dahil sa kanyang edad at mahinang katawan ay nagsusumikap pa rin siyang magtinda ng prutas imbes na sana ay nagpapahinga na lamang siya sa bahay.

Sa post ng netizen, nilagyan niya ito ng caption na:
"Nakakahiya naman dun sa iba na puro reklamo na lang. Ginawa pang rason ang kahirapan para gumawa ng mga iligal na gawain. Samantalang si tatay kahit mahina na ang katawan, nagsusumikap pa rin para mabuhay, huwag lang mamalimos. God bless you tatay."

Napag-alaman din na ang larawan ay hindi nakuha dito sa Pilipinas kundi sa bansang Indonesia.  Hindi man natukoy ang rason kung bakit nagtitinda pa rin si tatay kahit siya ay matanda na, ngunit tinitiyak na siya ay kumakayod pa rin para mabuhay. 

Maraming netizens ang humanga sa kasipagan ni tatay at naantig ang kanilang puso sa kawawang matanda. Narito ang ilan sa mga reaksyon ng mga netizens:

"Talaga pong ang lahat ay gagawin ng magulang para sa anak. Ako din po pag may nakitang matanda na nagtitinda ay bumibili ako."

"Kapag nakakita kayo ng mga ganitong nagtitinda, pakiusap 'wag ninyong baratin o tawaran. Hindi sila mga kapitalistang ganid sa pera ninyo. 'Yung konting tubo nila ay sasapat lang para pang suporta sa pang araw-araw nilang gastusin at pang puhunan para makatinda ulit sila kinabukasan."

"God bless u tatay. Ito yung dapat bigyan nang tulong hindi yung nanlilimos."

Comments

Popular posts from this blog

Babae Hindi Sinasadyang Mabasag Ang Banga Ng Kanyang Ama Na Naglalaman Ng Limpak-limpak Na Pera

Maine Mendoza, Pinasilip ang Kaniyang mga Assets at Totoong Net Worth

Sila ang Ilan sa mga Kilalang Artista Noon na Nahirapan sa Buhay Matapos Iwanan ang Kanilang Showbiz Career

Isang Kasambahay sa Singapore, Isang Beses Lang Pinapakain Sa Isang Araw ng Kaniyang Amo at Binubuhusan ng Tubig Kung Ito ay Hindi Agad Nagising ng 5 am!

Ganito Pala ang Nakakainspire na Paraan ng Bread Talk Kung Paano Nila Inuubos ang Kanilang Paninda na Hindi Nabenta!