Ipinahayag Ng Isang OFW Balikbayan Ang Saloobin Dahil Sa Mga Taong Demanding Na Nanghihingi Ng Pasalubong


Nakaugalian na ng mga Pilipino na tuwing mayroong kapamilya o kamag-anak na mula sa abroad ay umaasa sila na mayroong itong dala-dalang balikbayan box na puno ng pasalubong mapa tsokolate, de latang pagkain, sabon, lotion, pabango, sapatos, damit, etc. 

Kadalasan ang pag-aakala ng iba na kapag ang isang tao ay nagtatrabaho sa abroad at nagbalikbayan ay napakayaman o 'bigtime' na ito. Ngunit ang hindi nila alam na marami ring paghihirap at sakripisyo ang nararanasan ng isang OFW (Overseas Filipino Worker) para lamang ito ay makauwi sa kanyang pamilyang naiwan sa Pilipinas. 

Ang isang OFW na nagtatrabaho bilang isang administrative assistant sa isang ospital sa Riyadh na si Raymond Lopez ay naglabas ng kanyang saloobin matapos magbalikbayan at madatnan ang mga taong nanghihingi sa kanya ng pasalubong. 

Inilathala niya ang kanyang pagkadismayado sa isang open letter sa kanyang social media account.

"Minsan, nakakadala talagang magbigay ng pasalubong kapag nagbabalik-bayan ka, bigyan mo man sila o hindi, meron at meron silang masasabi sa'yo, na kesyo "ito lang", "nagbigay ka pa", "kuripot naman", "yan ba 'yung abroad?", "tatlong-taon sa abroad heto na 'yun?".

Una po sa lahat, hindi po nagbabalik-bayan ang isang OFW para bigyan o pasalubungan kayong lahat, walang obligasyon ang isang OFW na bigyan kayo ng mga tsokolate, sabon, pabango, at kung anu-ano pa! umuuwi ang isang OFW hindi para magregalo, mamigay o magpamudmod ng kung ano. kundi, umuuwi sila para pansamantalang makapagpahinga, makapaglibang, at makasama ang kani-kanilang pamilya't mahal sa buhay.

Sana, subukon n'yo 'hong mag-abroad, para po maranasan n'yo rin ang mga sakripisyo namin, 'yung mga pagtitipid, pangungulila at kalungkutang nararanasan dito at ng mga kapwa-OFW namin sa buong mundo. Matuto po sana kayong magpasalamat o makuntento, dahil kahit papaano'y naabutan at naalala kayo nung tao."

Sa malaman na pahayag ni Lopez ay tila nadismaya siya sa mga taong 'demanding' umano na nanghihingi ng pasalubong sa kanya. Sa katunayan, hindi naman talaga obligasyon ng isang OFW na mamigay ng pasalubong, nakaugalian na lamang ito ng mga Pilipino.

Ngunit sana kahit na kaunting pasasalamat man lamang ang natatanggap nila sa mga taong kanilang binigyan. Pero ang nangyayari, marami talagang taong hindi nakukuntento at hindi marunong magpasalamat. 

Comments

Popular posts from this blog

Grab Food Rider Kinain Na Lamang Ang Di Binayaran At Kinanselang Order Ng Kanyang Customer

Jackpot Ang Lalaking Ito Matapos Makatagpo Ng Wallet Na May Lamang Pera Sa Damit Na Nabili Sa Ukay-Ukay

Lalaki, Nagsuot ng Mascot Costume Upang Surpresahin ang Nobya Ngunit Siya ang Nasurpresa

Hinangaan Ang Isang Ama Na Security Guard Na Kasama Ang Kanyang Anak Sa Duty Para Maalagaan

Matandang Lalaki, Inakalang Pulubi ng Isang Pawnshop Ngunit Ito Pala ay Nagpapadala ng Pera Para sa Anak!