Nagbigay Ng 10,000 Bisikleta Ang Mabuting Lalaking Ito Sa Mga Estudyante Upang Hindi Na Sila Maglakad Ng Malayo Papasok Sa Paaralan



Mayroong mga lugar dito sa Pilipinas na kung saan malalayo ang nilalakad ng mga estudyante papasok sa kanilang paaralan. Mayroong tatawid pa sa mga ilog, aakyat pa ng bundok, maglalakad ng malayo, etc. Sa mga ganitong sitwasyon, ang mga kawawa ay ang mga bata.

Ngunit dahil ang nais nila ay matuto at makapag-aral ay tinitiis nila ito araw-araw kahit na minsan ay nalalagay sa panganib ang kanilang buhay. 

Hindi lamang pala dito sa ating bansa mayroong ganitong klase ng sitwasyon. Sa katunayan, sa bansang Myanmar ay mayroon ding mga estudyante na napakalayo ang nilalakad araw-araw papasok sa eskwela. Ang ang sitwasyon ito ay napansin ng isang concerned citizen na si Mike Than Tun Win matapos niyang bumalik mula sa pag-aaral niya sa Singapore.

Kung siya ay nagkaroon ng magandang pribilehiyo na makapag-aral isang prestihiyosong paaralan, marami namang mga bata sa kanyang lugar na kinalakihan ang nahihirapang pumasok sa eskwela.

Noong nasa Singapore siya ay namataan niya ang napakaraming mga bisikletang itinatapon lamang kahit na pwede pang irepair ang mga iba. Kaya dito niya naisipan na bilhin na lamang ang mga ito dahil mas mura ang halaga at saka na lang nila kukumpunihin.

Sa tulong ng kanyang kinikita sa kanyang tech company, sinimulan ni Mike na mag-import ng mga used bikes sa iba't ibang bansa. At sa loob lamang ng ilang buwan ay nakabili siya ng higit 10,000 na mga discarded na bisikleta. 



Sinimulan nilang ayusin, pagandahin, at irepair ang mga bisikletang ito at nilagyan pa ng extra back seats ang ilan upang mas madami ang maisakay nito. 

Matapos ang finished product ay ibinahagi nila ito sa mga mahihirap na bata sa kanilang bansa. Sinimulan nilang bigyan ang mga batang nasa Grade 7 hanggang Grade 10.


Dahil dito, 10,000 estudyante ang kanilang natulungang magkaroon ng bisikleta upang hindi na nahihirapang pumasok sa paaralan araw-araw. At plano pa rin nilang ituloy-tuloy ang kanilang proyekto upang mas marami pa silang batang matutulungan.


Comments

Popular posts from this blog

Natural at Mabisang Paraan Para Mawala Ang Mga Langgam sa Bahay

Ito ang Benepisyo ng Paglagay ng Sibuyas sa Loob ng Medyas sa Paa na Dapat Ninyong Subukan!

Pagkakaroon ng Nasal Polyps sa Loob ng ilong: Ano ang Ibig Sabihin nito?

Uminom ng Nilagang Dahon ng Guyabano! Ito pala ang Magandang Epekto nito sa Ating Kalusugan!

Ayon sa mga Eksperto, Ang Pagtaas ng Binti ng 20 Minuto ay Limang Benepisyong Hatid sa Ating Sistema!