"Manananggal" Na Manika Na Gawa Sa Naga, Patok Sa Mga Netizens



Malapit na naman ang Halloween at uso na naman ang mga takutan, costume parties, at mga kwentong kababalaghan. Tayong mga Pilipino ay mayaman rin tayo sa folklore, o ang mga paniniwala sa mga iba't ibang uri ng mga nilalang tulad ng aswang, engkanto, tikbalang at manananggal.

Maaaring wala talagang tiyak na makakapagsabi kung totoo nga ba ang mga ito o haka-haka lang. Ngunit dahil nakagisnan na natin ang mga kwentong ito ay naging parte na rin ito sa ating buhay Pilipino. Tiyak na wala yatang Pilipino ang hindi nakakaalam sa mga nilalang na ito. 

Isang social enterprise na Karaw Craftventures mula sa Naga ay nakaisip ng kakaibang likha base sa mga nilalang na pinaniniwalaan ng mga Pinoy. Ang business na ito ay nagte-train ng mga taong kapuspalad upang makapaghanap buhay, kasama na rin dito ang mga Naga inmates at mga ina sa mga malalayong baryo. 

At isa sa kanilang mga likha ay ang 'manananggal' na stuffed toy na mula sa kanilang Engkanture collection na mayroong higit sa 12 na disenyo na inspired sa Filipino folklore ng buong Pilipinas. 

Nagviral ang stuffed toy na ito matapos itong ipost ng dalawang netizens na sina Marco Lopez at Ed Geronia sa kanilang Facebook.

Makikita kasi ang uniqueness ng stuffed toy na hinango nga sa 'manananggal' na kung saan mayroon itong mga pangil, pakpak at ang katawan mismo ng manika ay nahihiwalay sa mga paa. Kaya naman tinawag rin itong "MananangDOLL."

Mayroong pang ibang mga manika sa koleksyong ito tulad ni Bungisngis ang cyclops, Daligmata ang halimaw na maraming mata, Oryol ang babaeng mukhang ahas at kung ano-ano pa. Ngunit imbes na katakot-takot ay ginawa nila itong cute kaya naman patok na patok sa mga netizens. 

Ipinagbibili naman ang nasabing 'mananaggal' doll sa halagang Php500 na tiyak na makakatulong sa mga taong kapuspalad na gumawa nito sa kanilang komunidad. 

Samantala, maraming netizens naman ang natuwa at nais na makabili ng cute na manikang ito dahil 'only in the Philippines' ika nga, lang ito matatagpuan.

Ikaw, gusto mo rin ba ng "MananangDOLL"?

Comments

Popular posts from this blog

Pinoy Matapang Na Ipinagtanggol Ang Isang Delivery Man Dahil Sa Ginawa Ng Isang Babaeng Chinese

Hinalungkat ng mga Crew ang Basurahan ng Restaurant na Ito Matapos Mawala ng Customer ang Kaniyang Singsing

Tumangging Isakay ang Isang Pamilya ng mga Aeta ng Isang Kilalang Bus Line na Ito Noong Bago Mag-Pasko

Isang Ama Hindi Mabilhan Ng Bagong Bag Ang Kanyang Anak, Sa Halip Pinagtahi Niya Ito Na Kinamangha Ng Mga Netizens

Tinulungan Ng Mga Netizens Ang Isang Tatay Na Nagtitinda Ng Okra At Nakatira Lamang Sa Isang Tricycle Sa Bangketa