Naantig Ang Puso Ng Mga Netizens Sa Dalawang Batang Kalye Na Nagsasalo Sa Mumunting Pagkain Habang Nasa Lansangan


Madalas na sinasabi ng ating mga magulang na "huwag magsasayang ng pagkain dahil maraming bata ang walang makain at nagugutom." Sa bawat araw na mayroong pagkaing nakahapag sa ating hapag-kainan ay marapat na tayo ay magpasalamat. Dahil hindi lahat ay nakakain ng tatlong beses sa isang araw.

Mayroong mga tao at maging mga bata na tinitiis ang gutom sa buong araw dahil walang makain. Makikita ang ilan na nanlilimos upang may maipangbili ng kanilang pagkain, na kung minsan ay pinaghahatian pa ng kanilang pamilya.

Isang larawan na naibahagi ng netizen na si Keizl Necosia sa kanyang Facebook account ang umantig sa puso ng mga netizens. 

Makikita kasi ang dalawang batang lansangan na nagsasalo sa isang pagkaing naka-styro habang sila ay nasa tapat ng isang sikat na fastfood restaurant. Napag-alaman na ang lugar kung saan nakuha ang larawan ay sa Maasin City.

Ang dalawang bata ay nakitang namamalimos doon gamit ang tambol na kahoy at nagpahinga muna sa isang tabi upang kumain. Ang mas batang kapatid ay makikitang may hawak-hawak na isang chocolate drink.

Nilagyan naman ni Necosia ng caption na. "IF YOU CAN SHARE MEMES, TRY THIS ONE INSTEAD! A BROTHER'S LOVE."

Sa murang edad ng dalawang bata ay tila ang mas nakakatandang kapatid ang nag-aalaga sa kanyang mas batang kapatid at isinama habang sila ay nanlilimos. Na kung iisipin natin ay mapanganib ang kanilang sitwasyon dahil sila ay nasa lansangan. 

Maraming netizens naman ang naantig sa larawan ng dalawang bata at narito ang kanilang mga komento:

"Naiyak ako nung nakita ku tong pic na to nakakadurog ng puso. good kuya wag mo sanang pabayaan kapatid mo."

"Hindi lahat ng nakakita ng ganyan kahit konting food lang po. Hindi kabawasan sa mga natatanggap nating blessing. Kumpara natin ang life natin sa kanila."

"Swerte pako kesa sa kanila pero complain ako ng complain sa buhay ko."

"Sana naman matulungan sila at ang iba pang mga katulad nila. Mabigyan ng magandang edukasyon at mapaunlad pa ang sarili nila."

Sa ngayon ay umabot nang 71k shares ang larawan at nawa'y matulungan ang dalawang batang ito. 

Source: Facebook

Comments

Popular posts from this blog

Pinoy Matapang Na Ipinagtanggol Ang Isang Delivery Man Dahil Sa Ginawa Ng Isang Babaeng Chinese

Hinalungkat ng mga Crew ang Basurahan ng Restaurant na Ito Matapos Mawala ng Customer ang Kaniyang Singsing

Tumangging Isakay ang Isang Pamilya ng mga Aeta ng Isang Kilalang Bus Line na Ito Noong Bago Mag-Pasko

Isang Ama Hindi Mabilhan Ng Bagong Bag Ang Kanyang Anak, Sa Halip Pinagtahi Niya Ito Na Kinamangha Ng Mga Netizens

Tinulungan Ng Mga Netizens Ang Isang Tatay Na Nagtitinda Ng Okra At Nakatira Lamang Sa Isang Tricycle Sa Bangketa