Kinaaliwan Ang Isang Ninong Sa Binyag, Imbes Na Kandila Ay Lumpiang Shanghai Ang Hawak


Tuwing mayroong binyag, ang mga magulang ng binibinyagan ay kumukha ng mga ninong at ninang upang maging taga gabay rin sa bata hanggang ito ay lumaki. At sinisindihan ng bawat ninong at ninang ang kandila na kanilang hawak dahil sinisimbolo nito ang kanilang pagtanggap ng responsibilidad. 

Pero ang isang ninong na ito na kamakailan lang ay nag-viral sa social media, dahil imbes na kandila ang kanyang hawak ay isang lumpiang shanghai.

Ibinahagi ni Meynard Tobi Gutierrez ang kanilang larawan habang nasa simbahan kasama ang ilang mga ninang sa binyag. Kung titignang mabuti, ang mga kasama niya ay mayroong hawak na mga kandilang sinindihan samantalang ang kanya ay isang lumpia.

Caption niya sa kanilang larawan,

"Sila kandila pa lang, ako shangai na agad!"

Dagdag pa niya sa kanyang komento,

"Oh di ba Di mo kinaya! May shangai na ako sa simabahan pa lang!"

Nagtatakang tanong ng isang netizen kung shanghai daw ba talaga ang kanyang hawak sa binyag.

Ngunit nakakatawang sagot naman ni Gutierrez,

Mare mahirap na! Baka maubusan pa ako sa reception, nauna na ako dumaan don! Hahahaha

Kaya naman di tinawag siya ng ilan sa kanyang mga kaibigan na "Shanghai Diva."

Maraming netizens naman ang naaliw at natawa sa post na ito ni Gutierrez, at saka pa nila sinabi na "shanghai is life." Kadalasan kasi sa mga handang inihahain sa mga okasyon tulad nito ay tiyak na mayroon laging lumpiang shanghai.

Kaya naman wika ng isang netizen, sukdulang magmantika na raw ang bag wag lang maubusan ng lumpia. Napakasarap kasing kainin ng lumpia lalo na sa mga handaan.

Ngunit paliwanag naman ni Gutierrez sa bandang huli ay wala naman siyang nilabag na seremonya ng binyag. Hindi pa nag-uumpisa noong kinuha ang larawan na iyon. Pormal raw siyang nagsindi ng kandila kasama ang iba pang mga kapwa niya ninong at ninang. 

Source: Facebook

Comments

Popular posts from this blog

Nakatagpo Ang Isang Lalaki Ng Isang Kakaiba At Higanteng Hugis Na Itlog Sa Kanyang Lupain

Dahil Sa Pusa, Nabunyag Ang Tinatagong Sikreto Ng Mister Sa Kanyang Misis

Foreigner, Ilang Beses Naloko Sa Pinas Ngunit Di Sumuko At Pinagpatuloy Ang Pamumuhay At Paghahanap Buhay Dito

Imbes Na Masaya Ay Mas Nalungkot Ang Lalaking Ito Sa Araw Ng Kanyang Graduation

Naawa Ang Isang Netizen Sa Isang Matanda Na Inabot Na Ng Hating Gabi Sa Pagtitinda