Anak Ng Tindera Ng Isda Na Nag-Viral Noon, Lisensyadong Doktor Na Ngayon



Noong Mayo nitong taon ay nag-viral ang istorya ng mag-ina na nagtitinda ng isda sa palengke dahil napagtapos niya ang kanyang anak na lalaki sa pagmemedisina. 

Ang nakakatuwa pa ay sariling itinaguyod ng ina ang anak sa kanyang pag-aaral simula noong naghiwalay sila ng kanyang asawa dahil nalaman niya na mayroong pala itong ibang pamilya. At simula noon ay walang ibinigay na tulong pinansiyal ang kanyang asawa. 

Sa higit na 20 taon na pagtitinda ng isda sa palengke ng ina na si Aling Nanita Ronquillo ay malaki talaga ang kanyang ginagawang sakripisyo sa kanyang anak upang maitaguyod lamang ang pag-aaral ng kanyang anak na si John Nico.

Umabot sa punto na ang kanyang anak ay nais na lamang huminto sa pag-aaral dahil naaawa na ito sa kanyang ina na madaling araw pa lang ay gumisiging na upang ihanda ang mga paninda sa palengke at minsan ay umaabot pa ng buong mag-hapon upang mapaubos lang ang paninda.

Pero patuloy pa rin si Aling Nanita at palagi siyang andiyan para supportahan ang kanyang anak sa pag-aaral. Siya rin mismo ang nagbibigay ng motibasyon sa kanyang anak na pagbutihin pa lalo ang pag-aaral.

Alam ni Nico na hirap na hirap na ang kanyang ina sa pag-titinda kaya sira rin ay humanap ng paraan upang matulungan ang kanyang ina at para matustusan ang kanyang pag-aaral.

Pero ang lahat nang ito ay tiniis ni Aling Nanita dahil ang nais lang niya ay maabot ng kanyang anak ang kanyang pangarap na maging isang doktor at maging matagumpay sa kanyang buhay. 

Ngunit ang pagtutulungan naman ng mag-ina ay nagbunga nang makapagtapos ang kanyang anak na si Nico sa pag-aaral ng medisina. Isang malaking bagay na para sa isang magulang ang mabigyan ng magandang kinabukasan at maayos na edukasyon ang kanyang anak.

Pero ang mas lalong ikinatuwa ng mag-ina ay noong makapasa sa Physicial Licensure Exam noong Setyembre 2019 ang kanyang anak. Ang lahat ng kanilang pagod, puyat, at pag-sasakripisyo ay nagbunga at naging matagumpay na talaga namang nakaka-inspire.


Comments

Popular posts from this blog

Netizen Naawa At Tinulungan Ang Isang Lalaking Nag-order Lang Ng Isang Cup Ng Kanin At Tubig Sa Isang Fastfood Chain

Ninang Sa Binyag, Sapilitang Pinapabayad Sa Kanya Ang 3 Layer Cake At Mga Cupcake Ng Inaanak

Bata Naka-order Ng 42 Pirasong Chicken Fillet At Fries Dahil Sa 'Internet Connection Error'

Bagong Kasal, Sinabitan Ng Kapa Na Gawa Sa Pera Na Nagkakahalagang Php100k, Sana All!

Ito ang Benepisyo ng Paglagay ng Sibuyas sa Loob ng Medyas sa Paa na Dapat Ninyong Subukan!