6 Taong Gulang Na Bata, Mas Pinipiling Tumulong Sa Gawaing Bahay Kaysa Maglaro Games Sa Cellphone


Bilang isang magulang, responsibilidad natin na disiplinahin at turuan natin ang ating mga anak ng mga gawaing bahay habang sila ay bata pa. Nawa'y sa ganoon, sa kanilang paglaki ay nakakatulong sila at nagiging responsable.

Ngunit maraming mga bata ngayon ang walang ibang alam gawin kung hindi mag-utos lalo na't kung may katulong o di kaya ay mag-cellphone na lamang ng magdamag. Minsan nagiging kapabayaan na rin kasi ito ng magulang dahil hinahayaan nilang mangyari ito. 

Sana ay maging inspirasyon sa mga bata at sa mga magulang ang isang 6 taong gulang na batang ito na nag-viral sa social media dahil sa kanyang pagiging masipag at responsable sa mga gawaing bahay. 

Ibinahagi ng Twitter user na si @zhariframli ang kahanga-hangang bata na si Mikail Harith dahil hindi tulad ng ibang mga bata na puro magce-cellphone ang inaatupag ay mga gawaing bahay ang paborito niyang gawin tulad ng paglilinis, pagbabantay ng kapatid, at maging ang pag-plantsa ng damit.

Kung bibisitahin naman nila ang kanilang lolo ay tutulong rin ito sa pagha-hardin, farming at sumasama rin siya sa pangingisda. 

Kahit na laking siyudad si Mikail ay na-train at tinuturuan siya ng kanyang mga magulang ng mga hands-on activities tulad ng pagluluto at pagtulong sa kusina. Hindi lamang ito benepisyal sa mga magulang, kundi natututo pa ang kanilang anak na maging responsable.  

Maraming netizens ang humanga dahil sa murang edad pa lamang ni Mikail ay marami na siyang alam gawin hindi tulad ng ibang mga bata ngayon na naka-asa pa rin sa kanilang mga magulang at hindi pa maasahan sa mga gawaing bahay.

Nawa'y magsilbi sana itong inspirasyon sa mga kabataan at pati na rin sa mga magulang dahil mas mainam na habang bata pa ay natututo na ang ating mga anak sa mga gawaing bahay sapagkat makakatulong rin naman ito sa kanila sa hinaharap.

Comments

Popular posts from this blog

Natural at Mabisang Paraan Para Mawala Ang Mga Langgam sa Bahay

Ito ang Benepisyo ng Paglagay ng Sibuyas sa Loob ng Medyas sa Paa na Dapat Ninyong Subukan!

Pagkakaroon ng Nasal Polyps sa Loob ng ilong: Ano ang Ibig Sabihin nito?

Uminom ng Nilagang Dahon ng Guyabano! Ito pala ang Magandang Epekto nito sa Ating Kalusugan!

Ayon sa mga Eksperto, Ang Pagtaas ng Binti ng 20 Minuto ay Limang Benepisyong Hatid sa Ating Sistema!