Lalaki, Kinaaliwan Sa Post Na "Ano Oras Kaya Titigas Itong Semento" Dahil Hindi Makauwi Sa Kanyang Bahay



Image from Facebook/ Don Aguilar Navarro, Google Images

Naiintindihan naman nating lahat ang kaliwaang pag-aayos at pagse-semento ng mga daan at kalsada dahil sa proyekto ng ating g0byerno na road widening. Malaki kasi ang maitutulong nito sa ating pagbi-biyahe lalo na't kapag natapos ng ma-semento ang mga daan. 

Ngunit sa kasalukuyang sinesemento ang mga daan ay hindi naman maiiwasan na magkaroon ng traffic dahil sa pagre-reroute ng mga daan o di kaya dahil sa pasikip ng mga linya sa kalsada. Pero ang isang netizen na ito ay mas malaki ang kanyang naging problema dahil sa bagong sementadong daan sa kanila.

Kinaaliwan ng mga netizens ang post sa social media ng isang lalaki na nakilala bilang si Don Aguilar Navarro. Sa larawan na kanyang ibinahagi ay makikita ang harap ng kanilang bahay na mayroong bagong buhos na semento.

Caption niya sa kanyang post,

"Tambay muna dito sa labas ng bahay. Hindi ako makauwi ano oras kaya titigas tong semento."

Ang mahirap sa kanyang naging sitwasyon ay pagkauwi niya galing trabaho ay ganito pa ang kanyang madadatnan ni wala man lang ibang madaanan papasok sa kanilang bahay. Kaya kung ikaw ay nasa labas ay hindi ka makakapasok at kung ikaw naman ay nasa loob ng bahay ay tiyak na hindi ka rin makakalabas.

Kung sakaling pilitin man niyang umuwi at pumasok sa kanilang bahay ay masisira ang pagkakasemento at mag-iiwan pa ito ng mga bakas ng sapatos. Kaya 'no choice' ang lalaki kung di hintayin muna niyang tumigas at matuyo ito.

Narito ang ilang nakakatuwang komento ng mga netizens tungkol dito.

"So near yet so far."

"Paypayan mo na lang sir para mabilis matuyo. hahaha"

"Tol dalan nalang muna kita ng tent dyan tska kahoy tamang bonfire."

"Kung ako yan tatakbuhin ko papasok sa gate ng bahay para may malupit na remembrance."

May mga netizens na nanghingi ng update kung nakauwi na ba ang lalaki at sa isang komento ay sinabi niya na inumaga na raw itong nakauwi dahil sa paghihintay na matuyo ang semento.

Source: Facebook

Comments

Popular posts from this blog

Tumangging Isakay ang Isang Pamilya ng mga Aeta ng Isang Kilalang Bus Line na Ito Noong Bago Mag-Pasko

Isang Ama Hindi Mabilhan Ng Bagong Bag Ang Kanyang Anak, Sa Halip Pinagtahi Niya Ito Na Kinamangha Ng Mga Netizens

Tinulungan Ng Mga Netizens Ang Isang Tatay Na Nagtitinda Ng Okra At Nakatira Lamang Sa Isang Tricycle Sa Bangketa

Pinoy Matapang Na Ipinagtanggol Ang Isang Delivery Man Dahil Sa Ginawa Ng Isang Babaeng Chinese

Lalaki Natagpuan Ang Napakaraming Pera Sa Gilid Ng Pinto Ng Kanyang 2nd Hand Na Kotse