Filipina Pride! Naka-Imbento ng Eco-Friendly Aircon ang Isang Babaeng Pinay na Ito!




Sadyang malaki ang ginagampanang papel ng mga kababaihan sa ating lipunan at nagkaroon man noon ng diskriminasyon at pagdududa sa kanilang kayang gawin ay muli naman itong nabawi sa paglipas ng panahon. Ngayong buwan nga ng Marso ay ipinagdiriwang ang 'Araw ng mga Kababaihan' at bilang pagpupugay sa kanilang mga talento at naiambag sa komunidad ay narito ang magandang balita patungkol sa isang Pinay na imbentor. 

Nakilala siya bilang si Maria Yzabell Angel Palma at Grade 10 lang siya noon nang magkaroon ng ideya at maimbento ang isang eco-friendly aircon. 


Sa kasalukyan ay 20-taong gulang na ang dalaga na nagmula sa Naga City at nagtapos sa Philippines Science High School (PSHS) na matatagpuan sa Bicol. 



Umani ng iba't ibang parangal ang nasabing imbensyon ni Yzabell hanggang sa kinilala din ito ng International Federation of Inventors' Association (IFIA). Maliban dito ay nakompleto din niya ang application para sa kaniyang imbensyon sa Virginia-based US Patent and Trademarks Office. 


Sadyang kakaiba nga ito kumpara sa normal na aircon dahil sa halip na gumamit ng piston or rotary compressor pumps na maaring magdulot ng negatibong epekto sa kalikasan ay gumagamit ito ng tinatawag na mataas na bilang ng air molecules para mapalamig ang isang lugar kaya naman mas mainam itong gamitin. Sa kasalukuyan ay abala ang dalaga sa paghahanap ng mga investors na siyang magiging daan para maisakatuparan ang kaniyang pangarap na eco-friendly aircon na tinawag niya ring AirDisc. 


"Ngayon ay mayroon kaming ka-meeting sa Pilipinas at mga foreign investors. Gusto naming masiguro na ang mabubuo naming team ay gagawin ang lahat para maging matagumpay ang AirDisc project. Plano din naming umpisan ang paggawa nito sa Partido, Camarines Sur.", pahayag ng dalaga sa isang panayam. 





Ayon pa kay Yzabell, umaabot sa halos $3 million o di kaya naman ay 155 milyon pesos ang kinakailangang budget para sa AirDisc aircon kaya naman maingat sila sa pagka-usap sa mga tao. 

Talaga namang nakakamangha ang galing ng mga kababaihan na sa panahon ngayon ay kaya ng makipagsabayan sa mga kalalakihan. Saludo kami sayo Yzabell! Nawa ay matupad mo ang iyong pangarap na makatulong sa kalikasan at muling maiwagayway ang bandila nating mga Pilipino.

Comments

Popular posts from this blog

Nakatagpo Ang Isang Lalaki Ng Isang Kakaiba At Higanteng Hugis Na Itlog Sa Kanyang Lupain

Foreigner, Ilang Beses Naloko Sa Pinas Ngunit Di Sumuko At Pinagpatuloy Ang Pamumuhay At Paghahanap Buhay Dito

Naawa Ang Isang Netizen Sa Isang Matanda Na Inabot Na Ng Hating Gabi Sa Pagtitinda

Umani Ng Iba't Ibang Reaksyon Sa Mga Netizens Ang Isang Guro Na Mas Piniling Magresign Na Lamang Sa Pagtuturo

Anak Ng Isang Magsasaka Maswerteng Napakag-aral Sa Harvard University Ng Libre