Landlady, Pinabaklas Ang Bubong At Pinto Ng Bahay Ng Kanyang Tenant Na Buntis Dahil Hindi Makabayad Ng Renta


Wala ng mas sasaklap pa sa naranasan ng mag-iinang ito dahil sa gitna ng pandemya at lockdown sa ating bansa ay pinagmalupitan pa sila ng may-ari ng kanilang inuupahang bahay sa Caloocan. 

Ayon sa netizen na nagbahagi ng video sa Facebook na si Czairra Alliyah Cheng ay nais niyang isiwalat ang ugali ng nagmamay-ari ng kanilang inuupahan. Sa video ay makikitang pinagbabaklas ang bubong ng isa sa kanilang tenant dahil hindi raw ito makabayad ng upa. Bukod pa roon ay maging ang pintuan ng bahay ay tinanggal din.

Aniya na hindi makatao ang ginawa ng kanilang landlady na si Aling Tess dahil bukod sa buntis ang nangungupahan ay mayroon pa itong mga kasamang mga maliliit na anak. Hindi naman makauwi ang asawa nito dahil nalockdown sa Bulacan.

Nagsimula ang pagbabaklas ng 9:30 ng umaga at dakong 12:35 ng tanghali ay umulan raw ng malakas kaya naman pinasok na ng tubig ang inuupahang bahay ng mag-iina kaya maging ang kanilang mga kagamitan ay basang-basa na rin ng ulan.

Ayon kay Czairra, ay halos hampasin pa raw siya ng wire ng rice cooker ng kanilang landlady dahil raw pinagtatanggol niya ang mag-iina at pinagbantaan rin siya na tatanggalan ng pinto ang kanyang inuupahan kahit na wala naman siyang utang sa renta.

Tinawag nila na walang puso ang kanilang landlady dahil ni hindi man lang ito nagbigay ng konsiderasyon lalo na't pahirapan ngayon ang paghahanap buhay dahil mayroon pa ring mga lugar na naka-ECQ o Enhanced Community Quarantine.

Samantala, mabuti na lamang ay sumaklolo at tumulong ang iba nilang mga kapitbahay na maglikas ng mga gamit ng buntis na tenant at pansamantala munang pinatuloy ang mag-iina sa bahay ng kanilang kapitbahay. May mga kapitbahay rin na tumulong upang ayusin ang bubong ng mag-iina.

Nag-report na rin si Czairra sa mga kinauukulan sa barangay hingil sa pagtrato ng kanilang landlady na si Aling Tess. At nawa'y mabigyan na sana ng hustisya ang pagmamalupit nito sa kanila.


Source: Facebook

Comments

Popular posts from this blog

Netizen Naawa At Tinulungan Ang Isang Lalaking Nag-order Lang Ng Isang Cup Ng Kanin At Tubig Sa Isang Fastfood Chain

Ninang Sa Binyag, Sapilitang Pinapabayad Sa Kanya Ang 3 Layer Cake At Mga Cupcake Ng Inaanak

Bata Naka-order Ng 42 Pirasong Chicken Fillet At Fries Dahil Sa 'Internet Connection Error'

Dating Aktres na si Thalia na Gumanap na Marimar, Ito na ang Buhay Niya Ngayon! Maganda Pa rin at Walang Pinagbago!

Bagong Kasal, Sinabitan Ng Kapa Na Gawa Sa Pera Na Nagkakahalagang Php100k, Sana All!