Bata, Matiyagang Nag-aabang Ng Bibili Ng Kanyang Mga Panindang Kabute Kahit Nag Tirik Ang Araw



Photo Credit: Facebook/The LOstories



Imbes na naglalaro kasama ang ibang mga bata, tinitiis ng 10 taong gulang na batang ito ang mainit na araw sa gilid ng kalsada upang mag-abang ng mga motoristang nais bumili ng kanyang mga panindang kabute. 

Naging parte na ng kabataan ng mga lokal sa Cordillera ang mangolekta ng mga kabute o mushroom na kung tawagin nila ay 'bo-o'. Ito ay mga organic mushrooms na binibili rin ng kanilang kapwa mga lokal dahil sa health benefits na hatid nito.

Kung kaya't ang batang si Jessie Almoza ay matiyagang naghihintay sa gilid ng kalsada na may motoristang dumaan upang bumili ng kanyang mga paninda. Sa unang tingin ay akala mo ay tila isang batang nagpapahinga lang sa maliit na ginawang silong na ito. 
Photo Credit: Facebook/The LOstories

Ngunit kung maririnig siya ay sinisigaw niya ang kanyang paninda na kung tawagin nila ay "bo-o." Sa kanyang maliit na pwesto ay doon siya naghihintay na may bumili kahit na tirik at mainit ang araw. Ang kanyang munting silong ay nasa kahabaan ng Sitio Camisong, Loacan, Itogon, Benguet.

Habang wala pang pasok sa eskwela dahil sa dulot ng pandemya ay tulong na rin ito ni Jessie sa kanyang pamilya.


Ang mga kinikita ni Jessie sa pagtitinda ng kabute ay kanya ring iniipon sa isang plastic na bote para sa mga gagastusin niya kapag bumalik na siya sa pag-aaral. 

Ang mga magulang niya ay wala namang permanenteng trabaho. Ang tatay nito ay na-istroke at ang kanyang ina at kapatid ay maagang gumigising upang umakyat ng bundok para mangolekta ng mga kabute na siya namang ititinda ni Jessie. 
Photo Credit: Facebook/The LOstories

Ito ang pangunahing kabuhayan ng kanilang pamilya. Kung kaya't ganito na rin ka-determinadong magtinda ang grade 4 student na ito. Dahil bukod sa ito ang nakakapagtawid sa kanyang pag-aaral ay ito na rin ang bumubuhay sa kanilang pamilya.

Hinangaan naman ng mga netizens ang pagiging madiskarte at masipag ni Jessie sa murang edad pa lamang. Kahit bata pa lamang siya ay tumutulong na siya sa kanyang pamilya at nag-iipon para na rin sa kanyang kinabukasan.

Source: Facebook

Comments

Popular posts from this blog

Ito ang Benepisyo ng Paglagay ng Sibuyas sa Loob ng Medyas sa Paa na Dapat Ninyong Subukan!

Natural at Mabisang Paraan Para Mawala Ang Mga Langgam sa Bahay

Uminom ng Nilagang Dahon ng Guyabano! Ito pala ang Magandang Epekto nito sa Ating Kalusugan!

Pagkakaroon ng Nasal Polyps sa Loob ng ilong: Ano ang Ibig Sabihin nito?

Ayon sa mga Eksperto, Ang Pagtaas ng Binti ng 20 Minuto ay Limang Benepisyong Hatid sa Ating Sistema!