Dating Panadero Nagsumikap Para Makapagtapos Ng Pag-aaral Ng Medisina, Ngayon Ay Isa Ng Ganap Na Doktor

 

Photo credits: Philippine Star/ Facebook

Wala nga talagang imposible basta't ikaw ay masipag at matiyaga. Katulad na lamang ng isang doktor na ito na bago pa man niya naabot ang kanyang propesyon ay matinding sakripisyo muna ang kanyang pinagdaanan sa buhay.

Bahagi ng Facebook page na Philippine Star sa isang post ay ang 37 taong gulang na doktor na ito na  kakapasa lamang sa Physician Licensure Examination.

Ibinahagi ng dating working student na si Rommel Abellar Amos na taga Eastern Samar ang kanyang pagsisikap para makapagtapos sa kanyang pag-aaral at ang kanyang pag-iipon na umabot ng dalawang taon upang mapagpursigihan ang kanyang pangarap na maging isang doktor.

Photo credits: Philippine Star/ Facebook


Kwento niya na kakaunti lamang raw kasi ang mga medical doctors sa kanilang probinsya lalo na't sila ay nasa remote area kung kaya't ito ang naghikayat sa kanya na mag-aral siya ng medisina.

Ngunit bago man ito, nagtrabaho muna siya bilang isang boy sa isang water refilling station noong taong 2005. Naranasan rin niyang makapagtrabaho bilang isang merchandiser, marketing assistant at sales clerk.

Taong 2017 nang makapagtrabaho siya bilang assistant baker sa isang bakery na pagmamay-ari ng isang babaeng nagngangalang Veronica Afable, na siya ring tumulong sa kanya sa kanyang pinansiyal na pangangailangan sa medical school.

Photo credits: Philippine Star/ Facebook


Aniya, "Before taking med studies, another two years nagtrabaho po ako sa bakery para makapag-ipon. During my med school, every summer break, Christmas break, and sem break nakakapag-trabaho po ako sa bakery pa rin. Mura po ang tuition namin sa Cagayan State University kaya kinaya."

Nakapagtapos si Rommel sa kanyang kursong medisina taong 2019 sa Cagayan State University sa Tuguegarao City at sumabak sa Physician Licensure Exam noong Marso 2021.

Saad niya,

"Masaya po at minsan naiiyak dahil sa sacrifices na pinagdaanan ko. Narealize ko na wala palang imposible pag may tiyaga at masipag. Message ko sa young generation ay maging priority nila ang education. Yun na rin talaga ang magdadala sa kanila. Maging madiskarte in case may financial crisis."

Photo credits: Philippine Star/ Facebook

Dagdag pa niya, "Sa mga working students ngayon, may katapusan ang sacrifices, focus sa goal. It will pay off in the end."

Totoo nga talaga ang kasabihan na, "Hard work pays off!", ika nga.

Comments

Popular posts from this blog

Ito ang Benepisyo ng Paglagay ng Sibuyas sa Loob ng Medyas sa Paa na Dapat Ninyong Subukan!

Natural at Mabisang Paraan Para Mawala Ang Mga Langgam sa Bahay

Pagkakaroon ng Nasal Polyps sa Loob ng ilong: Ano ang Ibig Sabihin nito?

Uminom ng Nilagang Dahon ng Guyabano! Ito pala ang Magandang Epekto nito sa Ating Kalusugan!

Ayon sa mga Eksperto, Ang Pagtaas ng Binti ng 20 Minuto ay Limang Benepisyong Hatid sa Ating Sistema!